აქტიური ნივთიერებები: 1 ბოლუსი შეიცავს, ალბენდაზოლს 3000მგ

დამხმარე ნივთიერებები: სახამებელი კარტოფილის, ლაქტოზა, საღებავი მწვანე, საღებავი ლურჯი, ტალკი, მაგნიუმის სტეარატი. პოლივინილპიროლიდონი.

აღწერილობა: მწვანე ფერის ბოლუსები ერთ მხარეს ჭდით მეორე მხარეს წარწერა “BIO”

გამოშვების ფორმა: 60 ბოლუსი პოლიეთილენის კონტეინერში და #4 ბოლუსი ბლისტერზე #5 ბლისტერი მუყაოს კოლოფში.

ფარმაკოთერაპიული ჯგუფი: ანტიპარაზიტული, ანტიჰელმინთური საშუალება, Atc vet code: QP52AC11

სამიზნე სახეობა: მსხვილფეხა და წვრილფეხა რქოსანი პირუტყვი, ღორი, ცხენი, ვირი, ჯორი, ბეწვიანი ნადირი.
ფარმაკოთერაპიული ჯგუფი: ანტიჰელმინთური საშუალება, Atc vet code: QP52AG06-Oxyclozanide

ფარმაკოლოგიური თვისებები: ალბენდაზოლის ანტიჰელმინთური მოქმედება განპირობებულია პარაზიტების ენერგეტიკულ  მეტაბოლიზმზე მოქმედ ფუმარატ რედუქტაზას - კრებსის ციკლის ენზიმის შებოჭვაზე, რაც იწვევს პარაზიტების სიკვდილს. ზოგ პარაზიტებში ალბენდაზოლი იწვევს ტუბულარული ცილის სინთეზის  დათრგუნვას. პრეპარატი მოქმედებს ჰელმინთების განვითარების ყველა სტადიაში.

ფარმაკოკინეტიკა: ალბენდაზოლი პერორალური შეყვანისას კარგად შეიწოვება. დოზის  დაახლოებით 47% ცხრა დღის განმავლობაში გამოიყოფა შარდთან ერთად მეტაბოლიტების სახით. პერორალურად მიღების შემდეგ პირველადი შენაერთები პლაზმაში ან არ აღინიშნება, ან აღინიშნება მხოლოდ დროის მცირე პერიოდში, რის შედეგადაც ეფექტი ძალიან სწრაფად ვლინდება.

პრეპარატი ტოქსიკოლოგიური მაჩვენებლებით მიეკუთვნება მცირეტოქსიურ შენაერთს.

გამოყენების ჩვენებები: გამოიყენება მსხვილფეხა პირუტყვის, ცხვრის, თხის, ღორის, ცხენის, ვირის, ჯორის ბეწვიანი ნადირის დეჰელმინთიზაციისთვის, მათ შორის: 

- კუჭ-ნაწლავის ტრაქტის ჰელმინთოზების (ბუნოსტომოზი, ჰემონქოზი, კოოპერიოზი, ნემატოდიროზი, ოსტერტაგიოზი, სტრონგილატოზი, ტრიქოსტრონგილიდოზი, ქაბერტიოზი, ეზოფაგოსტომოზი, ასკარიდოზი, ტრიქოცეფალოზი, ტოქსოკაროზი, ტოქსასკარიდოზი, ანკილოსტომოზი, უნცინარიოზი, ასკარიდოზი, ჰეტერაკიდოზი);

- ცესტოდოზების (ავიტელინოზი, მონიეზიოზი, თიზანიეზიოზი) მიმართ.

გამოყენების წესი და დოზები: პრეპარატი ეძლევა წინასწარი მშიერი დიეტის გარეშე, პერორალურად, ერთჯერადად,  ინდივიდუალურად ან ჯგუფური წესით საკვებთან ერთად.

მსხვილფეხა რქოსან პირუტყვს, ცხვარს, თხას, ცხენს, ვირს, ჯორს და ბეწვიან ნადირს -1 ბოლუსი 300-400 კგ ც.წ-ზე (7,5მგ/კგ-10 მგ/კგ.ც.წ-ზე);

ღორს - 1 ბოლუსი 300კგ. ც.წ-ზე (10 მგ/კგ.ც.წ-ზე);

გვერდითი მოვლენები: გვერდითი მოვლენები არ ახასიათებს თერაპიული დოზის 3-ჯერადი გადიდებითაც.

უკუჩვენებები: პრეპარატი არაა რეკომენდებული დაუძლურებული ცხოველების სამკურნალოდ, მწვავე ფასციოლოზის დროს და მაკეობის პირველ მესამედში.

ლოდინის პერიოდი: მსხვილფეხა და წვრილფეხა რქოსანი პირუტყვის სახორცედ დაკვლა ნებადართულია დეჰელმინთიზაციიდან 14 დღის შემდეგ, ღორის, ცხენის, ვირის, ჯორის, ბეწვიანი ნადირის - 7 დღის შემდეგ, რძე საკვებად ვარგისია 5 დღის შემდეგ.

შენახვის პირობები: პრეპარატი ინახება მშრალ, სინათლისაგან დაცულ ადგილას,არაუმეტეს 25℃ ტემპერატურაზე.

ვარგისობის ვადა:  3 წელი.

მწარმოებელი ქვეყანა: შპს "ბიოტეკსი", საქართველო, თბილისი, იუმაშევის ქ #8