აქტიური ნივთიერებები:  ერთი ტაბლეტი შეიცავს: ოქსიკლოზანიდს 375 მგ, ოქსფენდაზოლს 125მგ.

დამხმარე ნივთიერებები: კარტოფილის სახამებელი, ლაქტოზა, ტალკი, პოლიეთილენგლიკოლი 6000, მაგნიუმის სტეარატი, პოლოვინილპიროლიდონი, ყავისფერი საღებავი.

აღწერილობა: ყავისფერი ფერის ტაბლეტები. ტაბლეტს ერთ ზედაპირზე აქვს ჭდე, მეორე ზედაპირზე წარწერა “BIO”

გამოშვების ფორმა: 50 და 300 ტაბლეტი პოლიეთილენის ფლაკონში.

ფარმაკოთერაპიული ჯგუფი: ანტიპარაზიტული, ანტიჰელმინთური საშუალება, Atc vet.code: QP52AC52

სამიზნე სახეობა: მსხვილფეხა და წვრილფეხა რქოსანი პირუტყვი

ფარმაკოლოგიური თვისებები

ოქსიკლოზანიდი არის სალიცილამიდის ჯგუფის, ფართო სპექტრის ანტიჰელმინთური საშუალება, იგი ეფექტურია ახალგაზრდა (უმწიფარი) და ზრდასრული ფორმის პარაზიტების მიმართ, გამოიყენება ფასციოლოზის, პარამფისტომიდოზის, მონიეზიოზის დაავადებების პროფილაქტიკისა და მკურნალობისათვის. ოქსიკლოზანიდის მოქმედების მექანიზმი დაფუძნებულია პარაზიტების ჟანგვითი ფოსფორილებადი ციკლის დარღვევასა და ატფ-ის დონის შემცირებაზე, გამომდინარე აქედან ხდება ჰელმინთებში მეტაბოლური პროცესების დარღვევა, რაც იწვევს პარაზიტების სიკვდილს.Pპრეპარატი უზრუნველყოფს ცხოველების სრულ დეჰელმინთიზაციას. ოქსიკლოზანიდის შეწოვა ხდება ნელა, პერორალურად მიცემისას სისხლის პლაზმაში თერაპიული კონცენტრაცია მიიღწევა 24 სთ-ში, ორგანიზმიდან გამოიყოფა ფეკალთან ერთად.

ოქსფენდაზოლი ბენზიმიდაზოლის ჯგუფის ფართო სპექტრის ანტიჰელმინთური საშუალებაა, მოქმედებს ნემატოდების და ცესტოდების განვითარების ყველა სტადიაზე მყოფი ჰელმინთების მიმართ. გამოიყენება ჰემონქოზის, ოსტერტაგიოზის, ტრიქოსტრონგილოზის, ნემატოდიროზის, კოოპერიოზის, ეზოფაგოსტომოზის, ბუნოსტომოზის, დიქტიოკაულოზის, მონიეზიოზის დროს. ოქსფენდაზოლის მოქმედების მექანიზმი დაფუძვნებულია ფუმარარედუქტაზის ბლოკირებასა და ჰელმინთის მეტაბოლიზმის ენერგეტიკულ მოშლაზე. პრეპარატის გამოყოფა ხდება შარდან ერთად.

გამოყენების ჩვენებები

ბიოზანი 500-ის შემადგენლობაში შემავალი (ოქსიკლოზანიდი, ოქსფენდაზოლი) ორი ფართო სპექტრის მქონე ანტიჰელმინთური ნივთიერების კომბინაცია უზრუნველყოფს ცხოველების სრულ დეჰელმინთიზაციას.

 პრეპარატი გამოიყენება მსხვილფეხა რქოსანი პირუტყვის, ცხვრისა და თხის სამკურნალოდ ფასციოლოზის, პარამფისტომოზის, მონიეზიოზის, დიქტიოკაულოზის,ჰემონქოზის, ოსტერტაგიოზის, ტრიქოსტრონგილოზის, ნემატოდიროზის, კოოპერიოზის, ეზოფაგოსტომოზის, ბუნოსტომოზის დროს.

გამოყენების წესი, დოზირება

მსხვილფეხა და წვრილფეხა პირუტყვს, პრეპარატი ეძლევა პერორალურად, ინდივიდუალურად.

ფარმაკოლოგიური დოზა: ოქსიკლოზანიდი 10-15მგ/კგ ც.წ-ზე; ოქსფენდაზოლი 5-7.5მგ/კგ ც.წ-ზე.

პრაქტიკული დოზა: ფასციოლოზის,  დიქტიოკაულოზის, ჰემონქოზის, ოსტერტაგიოზის, ტრიქოსტრონგილოზის, ნემატოდიროზის, კოოპერიოზის, ეზოფაგოსტომოზის, ბუნოსტომოზის დროს - 1 ტაბლეტი 35კგ ც.წ-ზე.

მონიეზიოზის, პარამფისტომოზის დროს - 1 ტაბლეტი 25კგ ც.წ-ზე. 

უკუჩვენებები

არ არის რეკომენდებული პრეპარატის გამოყენება მაკეობის პირველMმესამედში, დასუსტებული და დაავადებული ცხოველებისთვის.

გვერდითი მოვლენები

სწორი დოზირებისას გვერდითი მოვლენები არ აღინიშნება.

ლოდინის  პერიოდი: ცხოველის დაკვლა ხორცის გამოყენების მიზნით ნებადართულია პრეპარატის ბოლო მიღებიდან მსხვილფეხა პირუტყვის 28 დღის შემდეგ; ცხვრის 21 დღის შემდეგ.

 რძე გამოსაყენებლად ვარგისია პრეპარატის ბოლო გამოყენებიდან 5დღის (10 მონაწველის) შემდეგ.

შენახვის პირობები: პრეპარატი ინახება მშრალ, სინათლისგან დაცულ ადგილას, არაუმეტეს 15-25°C ტემპერატურაზე

ვარგისობის ვადა:  3 წელი.