აქტიური ნივთიერებები: 1მლ ხსნარი შეიცავს: ტოლტრაზურილს 25მგ

დამხმარე ნივთიერებები: პოლიეთილენგლიკოლი 1 მლ-მდე.

აღწერა: უფერო, გამჭირვალე სითხე, დამახასიათებელი სუნით

გამოშვების ფორმა: 100 მლ პოლიეთილენის ფლაკონში,1 ლ პოლიეთილენის ფლაკონში და 1 მლ მინის ამპულაში.

ფარამაკოთერაპიული ჯგუფი: ანტიკოქციდური საშუალებები Atc vet.code: QP51AJ01- Toltrazuril

სამიზნე სახეობა: ბროილერი, საჯიშე ფრინველი, ინდაური, ბატი, იხვი.

გამოყენების ჩვენებები: გამოიყენება ბროილერის, საჯიშე ფრინველის, ინდაურის, ბატისა და იხვის კოქციდიოზის პროფილაქტიკისა და მკურნალობისთვის.

გამოშვების ფორმა: 1მლ მინის ამპულებში, 100მლ და 1ლ პოლიეთილენის ფლაკონში.

ფარმაკოლოგიური თვისებები

აქტიურია კოქციდების მიმართ (Eimeria acervulina, Eimeria brunette, Eimeria necatrix, Eimeria mitis, Eimeria adenoids, Eimeria meleagrimitis, Eimeria anceris,  Eimeria truncata), მათ შორის მდგრადი სხვა ანტიკოქციდური პრეპარატების მიმართ. ბიოკოქცი თბილსისხლიანი ცხოველებისთვის ზომიერად ტოქსიკურია. რეკომენდებულ და 10-ჯერ გაზრდილ დოზებში მიღებისას არ იწვევს ფრინველებში გვერდით მოვლენებსა და გართულებებს, არ აბრკოლებს კოქციდიოზის საწინააღმდეგო იმუნიტეტის ფორმირებას.

გამოყენების ჩვენებები

გამოიყენება ბროილერის, საჯიშე ქათმების, ინდაურის, ბატისა და იხვის კოქციდიოზის პროფილაქტიკისა და მკურნალობისთვის.

გამოყენების წესი და დოზები

ბიოკოქცის გამოყენაბა ხდება 2 დღის განმავლობაში წყალთან ერთად დოზით 7მგ ტოლტრაზურილი ფრინველის 1კგ. ც.წ-ზე (28მლ 2.5%-იანი ბიოკოქცის ხსნარი 100კგ ც.წ-ზე), რაც ექვივალენტურია 2,5%-იანი პრეპარატის 1 მლ გახსნილი 1 ლიტრ სასმელ წყალში, რომელიც ფრინველს ეძლევა დასალევად 24 სთ-ის ან 3 მლ პრეპარატი 1 ლ სასმელ წყალში 8სთ-ის განმავლობაში 2 დღე ზედიზედ. დაავადების მძიმე ფორმის მიმდინარეობისას მკურნალობის კურსი მეორდება 5 დღის შემდეგ.

ბიოკოქცის სამკურნალო ხსნარი აქტივობას ინარჩუნებს 48სთ-ის განმავლობაში.

ბიოკოქცი გამოიყენება საკვებ დანამატებთან და ვიტამინებთან კომბინაციაში. პრეპარატი ხმარების წინ უნდა შეინჯღრეს.

გვერდითი მოვლენები: ჩვენების მიხედვით რეკომენდებულ დოზებში პრეპარატის გამოყენებისას გვერდითი მოვლენები არ გამოვლენილა.

უკუჩვენებები:  არ გამოიყენება კვერცხმდებელ ქათმებში.

განსაკუთრებული მითითებები: პრეპარატი თავსებადია საკვებდანამატებთან, ვიტამინებთან და ფრინველის სამკურნალო სხვა საშუალებებთან. ბიოკოქცთან მუშაობისას დაცული უნდა იქნას პირადი ჰიგიენის და ვეტერინარიულ პრეპარატებთან მუშაობის უსაფრთხოების ტექნიკით გათვალისწინებული წესები. პრეპარატის კანზე ან ლორწოვან გარსზე მოხვედრისას უნდა ჩამოირეცხოს წყლის ჭავლით.

ლოდინის პერიოდი:  ფრინველის სახორცედ დაკვლა შეიძლება პრეპარატის ბოლო გამოყენებიდან 8 დღის შემდეგ. აღნიშნულ ვადაზე ადრე ფრინველის იძულებით დაკვლის შემთხვევისას ხორცის გამოყენება დასაშვებია ძვლისა და ხორცის ფქვილის დასამზადებლად.

შენახვის პირობები: ინახება მშრალ, სინათლისაგან დაცულ ადგილას,  პრეპარატი უნდა ინახებოდეს მჭიდროდ დახურული ქარხნული შეფუთვით,  არაუმეტეს 25°C ტემპერატურაზე.

ვარგისიანობის ვადა: 2 წელი.

მწარმოებელი:  შპს “ბიოტეკსი”,  თბილისი, იუმაშევის ქ. #8