აქტიური ნივთიერებები: 1 მლ კონცენტრირებული ხსნარი შეიცავს: დიაზინონს 600მგ.
დამხმარე ნივთიერებები: გოგირდმჟავა H2SO4; სოიოს ეპოქსიდური ზეთი; ქსილოლი; წყალი;
აღწერა: ექტოციდოლი 600 წარმოადგენს გამჭვირვალე სითხეს, მოყვითალო ან ღია-ყავისფერი ფერით, გააჩნია დამახასიათებელი სპეციფიკური სუნი.
გამოშვების ფორმა: 100 მლ პოლიეთილენის ფლაკონში, 1 ლ პოლიეთილენის ბოთლში, 5 ლ პოლიეთილენის ბიდონში და 4 მლ მინის ამპულაში.
ფარმაკოლოგიური ჯგუფი: ინსექტოაკარიციდული საშუალება, Atc vet.code: QP53AF03/Diazinon
სამიზნე სახეობა: მსხვილფეხა პირუტყვი, ცხვარი, ღორი.
ფარმაკოლოგიური თვისებები: პრეპარატის შემადგენლობაში შემავალი აქტიური ნივთიერება დიაზინონი მიეკუთვნება ფოსფორორგანული ნაერთების ქიმიურ ჯგუფს.
ექტოციდოლი 600 წარმოადგენს ინსექტოაკარიციდულ საშუალებას. აფერხებს აცეტილ ქოლინესტერაზის აქტივობას. ძუძუმწოვრებში დიაზინონი ფოსფორესტერთან ჰიდროლიზით მეტაბოლიზირდება ძალიან მალე, ამიტომ გამოდის ხორციდან და რძიდან. პრეპარატი ტოქსიურია კატებისათვის, ფრინველებისთვის, თევზებისა და ფუტკრებისათვის.
ჩვენებები: გამოიყენება მსხვილფეხა და წვრილფეხა რქოსანი პირუტყვის(ცხვარი) ფსოროფტოზის საწინააღმდეგოდ, ღორების – სარკოფტოზის, ცხოველების გარეგანი ენტომოზების, ასევე გარეგანი მკბენარების - ტკიპების, ბუზების და სხვა ექტოპარაზიტების გასანადგურებლად, ცხოველებისა და ფრინველების სადგომებში დეზინსექციისა და დეზაკარიზაციისათვის.
გამოყენების წესი, დოზირება: ექტოციდოლ 600 გამოიყენება წყლიანი ემულსიის სახით. სამუშაო ხსნარი უნდა მოვამზადოთ უშუალოდ დამუშავების წინ.
სამუშაო ხსნარის მომზადება: ცხრილში იხილეთ ექტოციდოლისა და თბილი წყლის განზავების დოზირების რეჟიმი
|
შესხურება |
განზავება ექტოციდოლი 600-ს და თბილი წყლის |
|
მსხვილფეხა რქოსანი პირუტყვი ღორი |
10მლ – 24ლ 10მლ – 24ლ |
|
გასაბანი ავზები |
|
|
ცხვარი: საწყისი აბაზანა აბაზანის კონცეტრაციის განახლება |
10მლ - 24ლ 10მლ – 8ლ |
|
მსხილფეხა რქოსანი პირუტყვი |
|
|
საწყისი აბაზანა აბაზანის კონცეტრაციის განახლება |
10მლ – 24ლ 10მლ – 8ლ |
|
ცხოველთა სადგომების დამუშავება |
|
|
იატაკისა და კედლების დამუშავებისათვის: 5ლ სამუშაო ხსნარი 100 მ2 ფართობზე |
20მლ – 1ლ (რწყილის, ტკიპას, ტარაკანას, ჭიანჭველას საწინააღმდ.) 10მლ -10ლ (მწერის, მუნის, ქეცის ტკიპას საწინააღმდეგოდ) |
|
ინდივიდუალური დამუშავება (შესხურება): - მსხვილფეხა რქოსანი პირუტყვი - ღორი |
1მლ – 1-2.4ლ წყალში 1მლ – 2.4 ლ წყალში |
ცხვრების ფსოროფტოზის საწინაღმდეგოდ: ცხოველები უნდა გაიბანონ აბაზანაში ორჯერადად 10 დღის ინტერვალით. პროფილაქტიკის მიზნით ერთჯერადად, ექსპოზიცია 50-60 წამი. ცხვარი გაიბანება გაპარსვიდან 15 დღის შემდეგ. გასაბანი აბაზანები გამოიყენება ხსნარის მომზადების დღესვე. დამუშავების სიხშირე დამოკიდებულია პარაზიტის სახეობაზე, კლიმატურ პირობებზე და ინფექციური პროცესის ხარისხზე.
მსხვილფეხა რქოსანი პირუტყვის ფსოროფტოზის საწინააღმდეგოდ: ცხოველებს ასხურებენ წყლიან ემულსიას, გაანგარიშებით 1-3 ლიტრი ცხოველებზე. დამუშავებას ატარებენ ორჯერადად 10-14 დღის ინტერვალით.
მსხვილფეხა რქოსანი პირუტყვის ენტომოზის დროს: (ტკიპების, მქავანების, რწყილების საწინააღმდეგოდ) დამუშავება ტარდება ორჯერადად 10-14 დღის ინტერვალით. სარკოფტოზის დროს ღორებს ასხურებენ წყლიან ემულსიას, გაანგარიშებით 0,3 – 1ლ ცხოველზე.
სამკურნალოდ ცხოველების დამუშავება წარმოებს ორჯერადად 10-14 დღის ინტერვალით, გულდასმით უნდა დამუშავდეს ყურის ნიჟარები.
ცხოველების დამუშავება ხდება მხოლოდ გრილი ან მოღრუბლული ამინდის პირობებში.
პროფილაკტიკის მიზნით გაბანვა ტარდება გაზაფხულსა და შემოდგომაზე ერთჯერადად.
გარემოს მაღალი ტემპერატურის დროს, აორთქლებისას მზეზე მყოფ ცხოველებს შესაძლოა გამოუვლინდეთ მოწამვლა პრეპარატის კანის საფარიდან სწრაფი შეწოვის შედეგად.
გვერდითი მოვლენები: ინსტრუქციის შესაბამისი მოხმარების შემთხვევაში გვერდითი მოვლენები არ ფიქსირდება.
უკუჩვენებები: მომატებული მგრძნობელობა დიაზინონის მიმართ, არ შეიძლება მაკე (მაკეობის ბოლო ტრიმერსტრი) და ლაქტაციის პერიოდში მყოფი ცხოველების დამუშავება. ასევე არაა რეკომედირებული ავადმყოფი და ახლად გამოჯანმრთელებული ცხოველების, მეძუძურის, 2 თვემდე ასაკის მოზარდებისა და ბებერი ცხოველების დამუშავება.
ჭარბი დოზა: ინტოქსიკაციური სიმპტომები ისეთივეა, როგორც ორგანოფოსფორატების დროს. ინტოქსიკაციისას ცხოველი უნდა გაიბანოს დიდი რაოდენობა წყლით. პრეპარატის ჩაყლაპვისას აუცილებლად უნდა გამოიწვიოთ ღებინება და მიეცეს შხამსაწინააღმდეგო საშუალება ატროპინი.
ძირითადი მითითებები: ცხოველების ხორცი საკვებად გამოიყენება პრეპარატის ბოლო გამოყენებიდან 15 დღის შემდეგ, ხოლო რძე - 3 დღის შემდეგ.
ექტოციდოლი 600 სხვა პრეპარატებთან შერევა დაუშვებელია.
პრეპარატის გამოყენებისას არ შეიძლება მოწევა, წყლის მიღება და ჭამა. პრეპარატთან მუშაობის დროს გამოიყენება დამცავი ტანსაცმელი და ხელთათმანები.
პირის ღრუში, კანზე ან თვალში მოხვედრისას შხამიანია. კანზე მოხვედრისას უნდა ჩამოიბანოთ საპნით და წყლის დიდი რაოდენობით. გართულების შემთხვევისას მიმართეთ ექიმს. იკრძალება პრეპარატის ტარის გამოყენება საკვები პროდუქტებისათვის; პრეპარატი ცეცხლსაშიშია; დაუშვებელია პრეპარატის გაცხელება 50℃ ტემპერატურაზე და მეტად.
შენახვის პირობები: ინახება ,მშრალ, სინათლისაგან დაცულ ადგილას არაუმეტეს 250C ტემპერატურისა.
ვარგისიანობის ვადა: 3 წელი
მწარმოებელი: შპს ,,ბიოტეკსი”, თბილისი, იუმაშევის ქ. #8
