აქტიური ნივთიერებები: თუთიის ოქსიდი 100მგ, გოგირდი 100 მგ, სალიცილის მჟავა 20 მგ.
დამხმარე ნივთიერებები: კუპრი; სკიპიდარი; ლიზოლი.
აღწერა: ნაცრისფერი ან ნაცრისფერიდან - ყავისფერში გარდამავალი ფერის მალამო, სპეციფიური სუნით, შესაძლოა შეიმჩნეოდეს პრეპარატში შემავალი კომპონენტების ფენებად განშრევება.
ფარმაკოთერაპიული ჯგუფი: ფუნგიციდურ-ბაქტერიციდული, ექტოპარაზიტების საწინააღმდეგო პრეპარატი.
სამიზნე სახეობა: ყველა სახის ცხოველები
გამოშვების ფორმა: 20გ და 500გ პოლიეთილენის ფლაკონში.
ფარმაკოლოგიური თვისებები
კომბინირებული პრეპარატი გარეგანი გამოყენებისათვის. აქვს გამოკვეთილი ფუნგიციდური, ბაქტერიციდული და ექტოპარაზიტული თვისება, ეს განპირობებულია მასში შემავალი ნივთიერებების სინერგიული მოქმედებით. შემადგენელი ელემენტები უზრუნველყოფენ კანის ზედა შრეში შეღწევადობას და ანადგურებენ აღმძვრელებს, დაავადების კერის სიღრმეში.
პრეპარატი თბილსისხლიანებისთვის მცირედ ტოქსიკურია, არ ფლობს გამაღიზიანებელ და მასენსიბილიზირებელ მოქმედებებს.
გამოყენების ჩვენებები: გამოიყენება ცხოველთა კანის სხვადასხვა დაავადებების სამკურნალოდ:
– ეგზემა, დერმატიტი, ტრიქოფიტია და კანის სხვა დაავადებები.
– ასევე ეფექტურია ჩლიქების დაზიანების, ნეკრობაქტეროზის შემთხვევაში, ცხვრის ჩლიქის სიდამპლის, სარკოფტოზის (მუნი) დროს.
გამოყენების წესი და დოზები: გამოყენების წინ მალამოს გულდასმით ურევენ, რადგან დიდხანს შენახვის დროს შეიძლება პრეპარატში შემავალი კომპონენტები ფენებად განლაგდნენ. წასმა ხდება დაზიანებულ უბანზე თხელ ფენად და 2-4 სმ მის ირგვლივ. დაზიანებულ კერას ამუშავებენ დღეში 1-2 ჯერ, თუ 4-5 დღეში ქერცლი არ მოცილდა მკურნალობა გრძელდება 7-10 დღე, შემდეგ შეიმჩნევა დაზიანებული უბნის განთავისუფლება და ბალანის წამოზრდა. 10 დღის შემდეგ აუცილებელია დაზიანებული კანის მიკროსკოპული კონტროლი. აღმძვრელის აღმოჩენის შემთხვევაში მკურნალობას იმეორებენ.
გვერდითი მოვლენები: პრეპარატის გამოყენებისას გვერდითი მოვლენები არ აღენიშნება. შეიძლება აღინიშნოს გადამეტებული მგრძნობელობა პრეპარატის კომპონენტების მიმართ.
უკუჩვენებები: უკუჩვენებები დადგენილი არ არის.
განსაკუთრებული მითითებები: პრეპარატთან მუშაობის დროს დაიცავით პირადი ჰიგიენა და ვეტერინალურ პრეპარატებთან მუშაობის უსაფრთხოების პირობებით გათვალისწინებული წესები.
შენახვის პირობები: პრეპარატი ინახება მშრალ, სინათლისაგან დაცულ ადგილას, არაუმეტეს 25℃ ტემპერატურაზე.
ვარგისიანობის ვადა: 2 წელი.
მწარმოებელი: შპს ,,ბიოტეკსი”, საქართველო ქ. თბილისი, იუმაშევის ქ. #8
