აქტიური ნივთიერებები: 1 მლ საკვებდანამატი შეიცავს: მცენარეული ღეროვანი უჯრედების კონცენტრატს (Glycine max, Hordeum vulgare) 56.6 მg.

დამხმარე ნივთიერებები: კომპლექსონ-III; ნატრიუმ პიროსულფიტი.

საკვები დანამატი არ შეიცავს გენმოდიფიცირებულ კომპონენტებს, ქიმიური დანამატებს, არა პათოგენური და არატოქსიკურია.

გარეგნული აღწერილობა: პერორალური ხსნარი  ღია მოყვითალო ფერის გამჭვირვალე ხსნარი, დამახასიათებელი მძაფრი სპეციფიური სუნით.

ფარმაკოლოგიური ჯგუფი: იმუნიტეტის გამაძლიერებელი, ანტისტრესული, ანტიბაქტერიული, ენერგეტიკული საშუალება

სამიზნე სახეობა: სასოფლო სამეურნეო ცხოველები და ფრინველები

გამოშვების ფორმა: 100მლ და 1ლ პოლიეთილენის ფლაკონებში.

დაფასოების ყველა ერთეულს უკეთდება მარკირება  და მიეთითება მწარმოებელი კომპანიის დასახელება, მისამართი და სავაჭრო ნიშანი, საკვები დანამატის სავაჭრო დასახელება ქართულ და ლათინურ ენაზე, საკვები დანამატის შემადგენლობა, რაოდენობა შეფუთვაში, დანიშნულება და მოხმარების წესი,  სერიის ნომერი, დამზადების დრო, ვარგისობის ვადა (თვე, წელი), შენახვის პირობები, წარწერა “გამოიყენება ვეტერინარიაში“ პირველად შეფუთვას თან ერთვის მოხმარების ინსტრუქცია.

ბიოლოგიური თვისებები

საკვები დანამატის შემადგენლობაში შემავალი ბიოლოგიურად აქტიური ნივთიერებები (ფენოლები, აზოტშემცველი ჰეტეროციკლური ნაერთები), სრულად ანაცვლებს საკვებში საკვები ანტიბიოტიკების გამოყენების მოთხოვნებს. უზრუნველყოფს ზემოქმედების ფართო სპექტრს გრამდადებითი და გრამუარყოფითი ბაქტერიების მიმართ. თრგუნავს პათოგენური ორგანიზმების ზრდას, ააქტიურებს და აღადგენს ნაწლავების ბუნებრივ მიკოლოფლორას.

საკვები დანამატი უზრუნველყოფს სეროტონინის მატებასა და ისეთი ოპტიმალური დიაპაზონის თანაფარდობის წარმოქმნას, რაც ცნს-ში იწვევს შეკავების პროცესების განვითარებას და ემოციური მდგომარეობის შემცირებას. გამოიხატება აგზნების შემცირება, შიშის დათრგუნვა, სტრე­სის მოხსნა და საბოლოოდ ცხოველისა და ფრინველის სტაბილურ მდგომარეობაში გადასვლა.

ტრიფტოფანისა და ოქსიპროლინის თანაფარდობის გაზრდა ტრიფტოფანის გაზრდის ხარჯზე დადებითად აისახება ხორცის საგემოვნო თვისებებზე. ოქსიპროლინის სტაბილური მაჩვენებელი იწვევს წონის ზრდას ცილების ხარჯზე და არა ცხიმების.

საკვები დანამატი ზრდის და აუმჯობესებს ცხოველის პროდუქტიულობას, ხელს უწყობს უმაღლესი ხარისხის პროდუქციის (ხორცი, რძე, კვერცხი და ა.შ.) წარმოებას.

გამოყენების ჩვენებები

საკვები დანამატი “დასი“ გამოიყენება ყველა სახის ცხოველებისა და ფრინველებისთვის, როგორც იმუნიტეტის გამაძლიერებელი, ანტისტრესული ანტიმიკრობული, ენერგეტიკული საშუალება, კერძოდ:

• იმუნიტეტის ფორმირებისა და სტიმულაციისათვის;
• სტრესების აღმოსაფხვრელად (ფიზიკური, ტექნოლოგიური, ტრანსპორტირება, დაკვლის წინა პერიოდი, დაავადებებით გამოწვეული);
• სხვადასხვა ეტიოლოგიის კუჭნაწლავის, რესპირატორული დაავადებების პროფილაქტიკისთვის;
• ზრდა-განვითარების სტიმულირებისა და პროდუქტიულობის ასამაღლებლად;
• პროდუქციის (ხორცი, რძე, კვერცხი და ა. შ.) საგემოვნო მაჩვენებლების გასაუმჯობესებლად.

გამოყენების წესი:

საკვებდანამატი გამოიყენება სასმელ წყალთან ან საკვებთან (ფხვიერ და გრანულირებულ საკვებთან) ერთად, პერორალურად, 

ფრინველს: 1ლ/1ტ წყალზე, დღეში ერთჯერ, 3-7 დღის განმავლობაში;

ცხოველებს: 1 მლ /5-10 კგ ც.წ-ზე, დღეში ერთჯერ, 3-7 დღის განმავლობაში;

სტრესების დროს 2-3 დღე; ანთებითი პროცესების დროს  5-10 დღე

1. ურთიერთქმედება სხვა პრეპარატებთან: თავსებადია საკვებში შემავალ ყველა ინგრედიენტთან, ვიტამინებთან, მინერალებთან და ანტიბიოტიკებთან.
2. გვერდითი მოვლენები: გართულებები საკვებდანამატის გამოყენებისას გამოვლენილი არ არის.
3. ლოდინის პერიოდი: ცხოველებისა და ფრინველისგან წარმოებული პროდუქცია სასურსათო მიზნებისათვის გამოიყენება შეუზღუდავად.
4. ხორცი - 0 დღე, რძე - 0 დღე, კვერცხი - 0 დღე.
5. პირადი პროფილაქტიკა. საკვებდანამტთან მუშაობისას უნდა დაიცვათ მოქმედი კანონმდებლობით გათვალისწინებული პირადი ჰიგიენისა და უსაფრთხოების ზოგადი წესები; პროცედურის დასრულების შემდეგ დაიბანეთ ხელები, სახე თბილი წყლითა და საპნით; კანთან და თვალებთან შემთხვევითი კონტაქტის შემთხვევაში, ჩამოიბანეთ წყლით; ალერგიული რეაქციის გამოვლინებისა მიიღეთ ექიმის რჩევა (თან იქონიეთ პრეპარატის გამოყენების ინსტრუქცია და ეტიკეტი)

შენახვის პირობები: ინახება მშრალ, მზისაგან დაცულ ადგილას, არაუმეტეს 25°С ტემპერატურაზე. 
შეინახეთ ბავშვებისათვის მიუწვდომელ ადგილას.

ვარგისიანობის ვადა: 2 წელი დამზადების დღიდან. აკრძალულია საკვებდანამატის გამოყენება შენახვის ვადის ამოწურვის შემდეგ.

მწარმოებელი კომპანია: შპს "ბიოტეკსი", საქართველო, თბილისი, იუმაშევის ქ. #8