ჰელმინთების რეზისტენტობა მეცხოველეობაში და მისი გადაჭრის გზა: ბიოზან-900

ავტორები:

მიხეილ ჭიჭაყუა, ვეტერინარი ექიმი, ბიოლოგიის დოქტორი
მარინა ჭიკაიძე, ვეტერინარიის დოქტორი

ჰელმინთოზები – სერიოზული გამოწვევა მეცხოველეობისთვის

ჰელმინთოზები (პარაზიტული ჭიები) ფერმერებისთვის ერთ-ერთ ყველაზე სერიოზულ პრობლემას წარმოადგენს. პარაზიტების მიერ მიყენებული ზიანი ცხოველთა პროდუქტიულობის მნიშვნელოვან შემცირებას იწვევს, რაც ფერმერებისთვის ხშირად ფინანსურ დანაკარგსაც ნიშნავს.

ჰელმინთების გავლენა მეცხოველეობაზე

იწვევს რძისა და ხორცის წარმოების შემცირებას
ასუსტებს ცხოველთა იმუნურ სისტემას და ზრდის დაავადებების რისკს
ზრდის მკურნალობისა და მოვლის ხარჯებს
აფერხებს მეცხოველეობის სექტორის განვითარებას

მიუხედავად ანტიჰელმინთური პრეპარატების ფართო ხელმისაწვდომობისა, ჰელმინთების წინააღმდეგ ბრძოლა დღითიდღე რთულდება. მრავალი პრეპარატის ხანგრძლივი გამოყენების შედეგად, ჰელმინთებმა გამომუშავეს მედიკამენტებისადმი რეზისტენტობა, რაც ფერმერებს რთულ მდგომარეობაში აყენებს.

ჰელმინთების რეზისტენტობის მთავარი მიზეზები

ანტიჰელმინთური პრეპარატების გადაჭარბებული გამოყენება
ერთსა და იმავე ჯგუფის პრეპარატების რეგულარული და არასწორი გამოყენება ხელს უწყობს ჰელმინთების გამძლე შტამების ჩამოყალიბებას.
არასწორი დოზირება და მკურნალობის არათანმიმდევრული სქემა
თუ პრეპარატის დოზა არასაკმარისია, ზოგიერთი პარაზიტი გადარჩება და მომავალ თაობებში უფრო მედეგი გახდება.
გლობალური ტენდენცია
მეცხოველეობის წამყვან ქვეყნებში, როგორიცაა აშშ, ავსტრალია და სამხრეთ ამერიკა, ცნობილია ანტიჰელმინთური საშუალებების მიმართ მაღალი რეზისტენტობის შემთხვევები.
საქართველოში არსებული სიტუაცია
საქართველოში მონაცემები შეზღუდულია, თუმცა პრაქტიკა აჩვენებს, რომ არასწორი მკურნალობის გამო ანტიჰელმინთურ პრეპარატებზე რეზისტენტული პარაზიტების რაოდენობა იზრდება.

ბიოზან-900: ახალი თაობის ანტიჰელმინთური გადაწყვეტილება

„ბიოტეკსის“ ბიოზან-900 ფართო სპექტრის მძლავრი ანტიჰელმინთური საშუალებაა, რომელიც შექმნილია პარაზიტების რეზისტენტობის პრობლემის დასაძლევად და უზრუნველყოფს მსხვილფეხა და წვრილფეხა რქოსანი პირუტყვის სრულ დეჰელმინთიზაციას.

დეტალური ინსტრუქცია: ბიოზან-900

რატომ ბიოზან-900?

რეზისტენტობის საწინაამდეგო ფორმულა: ოქსიკლოზანიდისა (600 მგ) და ოქსფენდაზოლის (300 მგ) კომბინაცია ხელს უწყობს მკურნალობის ეფექტურობის ზრდას.
ფართო სპექტრის მოქმედება: ეფექტურია ნემატოდების, ტრემატოდებისა და ცესტოდების ყველა ფორმის წინააღმდეგ (ფასციოლა, პარამფისტომა, მონიეზია, დიქტიოკაულუსი და სხვ.).
ეკონომიური გამოსავალი: საშუალო ხარჯი ერთ სულ პირუტყვზე ხელმისაწვდომია სხვადასხვა მასშტაბის მეურნეობებისთვის.
მაღალი უსაფრთხოება: პრეპარატი ტესტირებულია რეკომენდებულ დოზირებაში უსაფრთხო გამოყენებისთვის.
მარტივი გამოყენება: პერორალური ტაბლეტები ბლისტერზე უზრუნველყოფს ზუსტ დოზირებას და დაცვას დაბინძურებისგან.

დოზირება და გამოყენების წესები

სტანდარტული დოზა:
- ფასციოლოზი, ნემატოდები, დიქტიოკაულოზი (ჰემონქოზი, ოსტერტაგიოზი, ტრიქოსტრონგილოზი): 1 ტაბლეტი 60 კგ ცოცხალ წონაზე
- პარამფისტომოზი, მონიეზიოზი: 1 ტაბლეტი 50 კგ ცოცხალ წონაზე
ადმინისტრირების ფორმა: პრეპარატი გამოიყენება პერორალურად, ინდივიდუალური დოზით.
ლოდინის პერიოდი:
- ხორცი: 28 დღე (მსხვილფეხა პირუტყვი), 21 დღე (ცხვარი, თხა)
- რძე: 5 დღე (10 მონაწველი)

ჰელმინთების რეზისტენტობის შემცირების სტრატეგიები

პრეპარატების როტაცია: რეგულარულად გამოიყენეთ სხვადასხვა ტიპის ანტიჰელმინთური საშუალებები, რათა შეამციროთ რეზისტენტობის განვითარების შანსი.
მკურნალობის სქემის დაცვა: მკურნალობა ჩაატარეთ განსაზღვრულ პერიოდში, მაგალითად, ბერმონების წინ ან საძოვრებიდან დაბრუნებისას.
ფერმის სათანადო მოვლა: სუფთა გარემოს შენარჩუნება, ნაკელის დროული გატანა და საძოვრების მონაცვლეობა მნიშვნელოვნად შეამცირებს პარაზიტების გავრცელებას.

დასკვნა

ჰელმინთების რეზისტენტობა ერთ-ერთი მთავარი გამოწვევაა თანამედროვე მეცხოველეობაში. თუმცა ბიოზან-900 თანამედროვე და ეფექტური საშუალებაა მის წინააღმდეგ საბრძოლველად. ახალი თაობის ანტიჰელმინთური საშუალებებისა და ვეტერინარიული რეკომენდაციების ინტეგრაცია უზრუნველყოფს ფერმის ჯანმრთელობას, პროდუქტიულობის ზრდას და მაღალი ხარისხის, უსაფრთხო პროდუქციით უწყვეტ მომარაგებას.

გაინტერესებთ მეტი ან გსურთ გახდეთ დისტრიბუტორი?
დაგვიკავშირდით დამატებითი ინფორმაციის, ფასებისა და თანამშრომლობის შესაძლებლობებისთვის: 📩 info@biotecsi.ge

შეუერთდი ჩვენს ქსელს